UAE Tamil Web

துபாய்: ஆன்லைன் பேங்கிங் மூலம் வங்கி கணக்கிலிருந்து 1.8 மில்லியன் திர்ஹம்ஸ் திருடிய இருவர்.!

courts

துபாயில் ஒரு வங்கிக் கணக்கிலிருந்து 1.8 மில்லியன் திர்ஹம்ஸ் பணத்தை மோசடி செய்து திருடியதாக இரண்டு முடிதிருத்தும் நபர்கள் மீது குற்றம் சுமத்தப்பட்ட வழக்கு விசாரணைக்கு வந்தது.

- Advertisment -

மோசடி குற்றம் சாட்டப்பட்டுள்ள 26 மற்றும் 27 வயதுடைய இருவரும் வெளிநாட்டு இளைஞர்கள் ஆவர். இவர்கள் இருவரும் எவ்வாறு ஒருவருடைய வங்கி கணக்கிலிருந்து மோசடி செய்து பணத்தை திருடினர் என்பது குறித்து நீதிமன்றம் விசாரித்தது.

பிரதிவாதிகள் இருவரும் ஆன்லைன் பேங்கிங் மூலம் காசோலை புத்தகம் மற்றும் டெபிட் கார்டை மோசடி செய்ததாக நீதிமன்ற பதிவுகள் காட்டுகின்றன. பாதிக்கப்பட்டவர் கணக்கு வைத்திருந்த வங்கியை தொடர்பு கொண்ட மோசடி நபர்கள், அவரை போலவே பேசி ஆள்மாறாட்டம் செய்துள்ளனர். அவர்கள் வங்கியைத் தொடர்பு கொண்டு பாதுகாப்பு கேள்விகளுக்கு(security questions) பதிலளித்துள்ளனர்.

இது தொடர்பான வழக்கு கடந்த மே மாதம் 7-ம் தேதி அல் ரஃபா காவல் நிலையத்தில் பதிவு செய்யப்பட்டது. சம்பந்தப்பட்ட வங்கியை சேர்ந்த சேர்ந்த அதிகாரி ஒருவர் வழக்கறிஞரிடம் கூறிய தகவல்களின்படி, ‘கடந்த மே 27 அன்று, புகார்தாரர் தனது வங்கி கணக்கு பணமின்றி காலியாக இருப்பதாக பதற்றமுடன் தெரிவித்ததாக கூறினார். புகார்தாரர் அவரது வங்கி கணக்கில் 1,924,100 திர்ஹம்ஸ் இருந்ததாகவும் குறிப்பிட்டார்.

அவரது புகாரை அடுத்து தாங்கள் உள்விசாரணை மேற்கொண்டதாகவும், அதில் குற்றவாளி தனது மோசடி செயலை அரங்கேற்ற வங்கி அட்டை ரீபிளேஸ்மெண்ட் மற்றும் செக் புக் ஆகியவற்றை பெற புகார்தாரரின் மொபைல் லைனை பயன்படுத்தியது தெரிய வந்தது. இந்த நடைமுறையின் போது மோசடிபேர்வழி உண்மையாக கணக்கு வைத்திருப்பவரை போலவே தன்னை காட்டிக்கொண்டு வங்கி ஊழியரின் அடையாள கேள்விகளுக்கு(identification questions) பதிலளித்துள்ளார்.

பின்னர் ஒரு கூரியர் நிறுவனம் மூலம் காசோலை புத்தகம் மற்றும் வங்கி அட்டையை பெற்றார் மோசடி நபர். டெலிவரியின் போது போலி எமிரேட்ஸ் ஐடியைக் காட்டியும், குற்றம் சாட்டப்பட்ட இருவரில் ஒருவரின் படத்தை, புகார்தாரரின் பெயரோடு இணைத்து காட்டியும் உள்ளனர் என்று பொதுவழக்கு விசாரணையின் போது சாட்சியம் கூறப்பட்டது.

தற்போது தலைமறைவாக உள்ள பாகிஸ்தானியர் ஒருவரது வங்கி கணக்கில் 928,000 திர்ஹம்ஸ் மதிப்புள்ள செக் டெபாசிட் செய்ததை காட்டும் ஒரு வங்கியின் கடிதம் ஆதாரமாக சேர்க்கப்பட்டுள்ளது. மேலும் பாதிக்கப்பட்டவரின் கணக்கிலிருந்து நேரடியாக பணம் எடுக்கப்பட்ட பரிவர்த்தனைகளும் அறிக்கைகளில் காட்டப்பட்டுள்ளது.255,700 திர்ஹம்ஸ் மதிப்பில் நகைகள் மற்றும் பல பொருட்களை குற்றவாளிகள் வாங்கி குவித்துள்ளனர்.

இந்த மோசடி வழக்கில் டிசம்பர் 7-ஆம் தேதி ஒரு தீர்ப்பு அறிவிக்கப்படும் என்று தகவல் தெரிவிக்கப்பட்டுள்ளது.