UAE Tamil Web

முக்கியச் செய்தி: இந்தியாவிலிருந்து இந்த 8 பிரிவினர் மட்டும் அமீரகம் வரலாம்..!

Stock-India-airport-passengers

இந்தியா, பாகிஸ்தான் உட்பட அமீரக அரசால் பயணத்தடை விதிக்கப்பட்ட நாடுகளில் இருந்து குறிப்பிட்ட 8 வகையான பயணிகள் அமீரகம் வருவதற்கு தற்போது அமீரக பொது சிவில் விமானப் போக்குவரத்து இயக்குனரகம் அனுமதி அளித்துள்ளது.

இருப்பினும் இந்த நாடுகளில் இருந்து பயணிகளுக்கு விதிக்கப்பட்ட தடை மறு அறிவிப்பு வரும் வரையில் தொடரும் எனத் தெரிவிக்கப்பட்டுள்ளது.

8 பிரிவினர்

  1. அமீரக குடிமக்கள் மற்றும் அவர்களின் முதல் நிலை உறவினர்கள்
  2. அமீரகம் மற்றும் அதற்குப் பொருந்தக்கூடிய நாடுகளின் ராஜாங்க பணியாளர்கள் மற்றும் நிர்வாக ஊழியர்கள்.
  3. அதிகாரப்பூர்வ பிரதிநிதிகள் ; முன் அனுமதி பெறுதல் அவசியம்.
  4. துபாய் எக்ஸ்போ 2020 சர்வதேச பங்கேற்பாளர்கள் மற்றும் கண்காட்சியாளர்கள்; மற்றும் அதன் அமைப்பாளரால் ஸ்பான்சர் செய்யப்படும் பணியாளர்கள்.
  5. அமீரக கோல்டன் அல்லது சில்வர் ரெசிடென்சி விசா வைத்திருப்பவர்கள்.
  6. வெளிநாட்டு நிறுவனங்களின் சரக்கு மற்றும் போக்குவரத்து விமானங்களின் குழுக்கள்.
  7. துறைமுகங்கள், எல்லைகள் மற்றும் சுதந்திர மண்டலங்களின் (Free Zones) பாதுகாப்புக்கான பொது அதிகார சபையிடமிருந்தும், சம்பந்தப்பட்ட எமிரேட்ஸின் அவசர, நெருக்கடி மற்றும் பேரிடர் மேலாண்மை குழுக்களின் தலைவர்களிடமிருந்தும் ஒப்புதல் பெற்ற தொழிலதிபர்கள் (இருபாலரும்).
  8. அடையாளம் மற்றும் குடியுரிமைக்கான பெடரல் ஆணையம் (ICA) வெளியிட்ட வகைப்பாட்டின் படி முக்கிய செயல்பாடுகளைச் சேர்ந்த ஊழியர்கள்.

பயண விதிமுறைகள்

மேற்கண்ட பிரிவுகளில் அமீரகம் வரும் நபர்கள் பின்பற்றவேண்டிய விதிமுறைகள் கீழே கொடுக்கப்பட்டுள்ளன.

  • பயண நேரத்திற்கு முன்னதான 48 மணிநேரத்திற்குள் அங்கீகரிக்கப்பட்ட ஆய்வகத்தில் எடுக்கப்பட்ட நெகட்டிவ் PCR சான்றிதழை சமர்ப்பிக்கவேண்டும். அதில் கட்டாயமாக QR Code இருத்தல் வேண்டும்.
  • வருகையின்போது PCR பரிசோதனைக்கு உட்படுத்திக்கொள்ளவேண்டும். மேலும் 4 மற்றும் 8 வது நாளில் மீண்டும் PCR பரிசோதனை எடுத்துக்கொள்ளவேண்டும்.
  • 10 நாட்களுக்கு தனிமைப்படுத்திக்கொள்ள வேண்டும்.
  • கண்காணிப்பு சாதனத்தை அணிந்திருக்க வேண்டும்.
Stock-India-airport-passengers
29 Shares
Share via
Copy link