UAE Tamil Web

மோசமான விபத்தால் நொறுங்கிய இந்தியரின் முதுகெலும்பு – 6 லட்சம் திர்ஹம்ஸ் நிவாரணமாக அளிப்பதாக துபாய் நீதிமன்றம் அறிவிப்பு..!

Rijas-Mohammed-Kunhi-2

கேரளாவின் ஆழப்புழா பகுதியைச் சேர்ந்தவர் ரிஜாஸ் முகமது குன்ஹி (41). அல் அய்னில் உள்ள ஏமிராட்டி குடும்பம் ஒன்றில் டிரைவராக பணிபுரிந்துவந்த ரிஜாஸ் கடந்த ஆண்டு ஜனவரி 12 ஆம் தேதி, தனது வாழ்வின் மிக மோசமான விபத்தைச் சந்தித்தார்.

தனது முதலாளியுடன் காரில் சென்றுகொண்டிருந்த ரிஜாஸ் சிறிய விபத்தில் சிக்கினார். உடனடியாக வேறு காரில் அவரது முதலாளி பயணத்தைத் தொடர்ந்தாலும் ரிஜாஸ் அதே காரில் இருந்திருக்கிறார். அப்போது வேகமாக வந்த ஜீப் ஒன்று ரிஜாசின் காரில் மோதியிருக்கிறது. இதனால் கடுமையாக பாதிக்கப்பட்ட ரிஜாஸ் மருத்துவமனையில் அனுமதிக்கப்பட்டார்.

அவரது முதுகெலும்புகள் சேதமடையவே, அவருக்கு டைட்டானியம் பிளேட்கள் பொருத்தப்பட்டுள்ளன. முன்பு போல, நீண்டநேரம் பணிபுரிய முடியாத சூழ்நிலையில் இருந்த ரிஜாசை தொடர்ந்து பணிபுரிய அவரது முதலாளி அனுமதித்திருக்கிறார். ரிஜாசின் 2 குழந்தைகள் மற்றும் பெற்றோரின் நிலை கருதியும் அவரது எதிர்காலத்தை பாதுகாக்கும் நோக்கத்துடனும் இதை செய்ததாக அவரது முதலாளி தெரிவித்துள்ளார்.

6 லட்சம் திர்ஹம்ஸ் இழப்பீடு

ரிஜாசின் இந்த இழப்பிற்கு காரணமான ஜீப்பிற்கு 5000 திர்ஹம்ஸ் அபராதம் விதித்த துபாய் நீதிமன்றம், ரிஜாசிற்கு இழப்பீட்டுத்தொகையாக 6 லட்சம் திர்ஹம்ஸ் வழங்க உத்தரவிட்டது.

இந்த பணத்தைக்கொண்டு சொந்த ஊரில் சிறிய கடை ஒன்றை அமைக்க இருப்பதாகச் சொல்லும் ரியாஸ், “எனது சிறுநீரகத்திலும் பாதிப்பு இருப்பதாக மருத்துவர்கள் கூறுகின்றனர். எனது மருத்துவம் மற்றும் என்னுடைய குடும்பத்தாரின் எதிர்காலத்திற்கு இந்த தொகை பேருதவியாக இருக்கும். எனக்கு முழு ஆதரவு கொடுத்த எனது முதலாளிக்கு நன்றி” என்றார்.

இனி வாழ்க்கை அவ்வளவுதான் என நினைத்திருந்த நேரத்தில் ரிஜாசிற்கு வழங்கப்படும் இந்தத் தொகை நிச்சயம் அவரது சிரமங்களை சற்றே குறைக்கும் என நம்பலாம்.

Rijas-Mohammed-Kunhi-2
2 Shares
Share via
Copy link