UAE Tamil Web

அமீரக தூதரகத்தின் பெயரை பயன்படுத்தி முறைகேடு: கேரள முதல்வருக்கு தொடர்பா?

கேரள அர­சியல் வட்டாரத்தில் பெரும் பர­ப­ரப்பை ஏற்­ப­டுத்தி உள்ள தங்கக் கடத்­தல் வழக்­கில் அம்­மா­நில முதல்வர் பின­ராயி விஜ­ய­னை காப்­பாற்ற முயற்சி நடப்பதாக எதிர்க்­கட்­சித் தலை­வர் வி.டி.சதீசன் தெரி­வித்­துள்­ளார்.

வெளி­நாட்­டில் இருந்து கேர­ளா­வுக்கு தங்­கம் கடத்தி வரப்­பட்­ட­தாக எழும் குற்றச்சாட்­டின் பேரில் அம்­மா­நில அரசு நிறு­வ­னத்­தில் பணி­யாற்­றிய ஸ்வப்னா சுரேஷ் கைது செய்யப்பட்டார். அமீ­ரக தூதரகத்­தின் பெய­ரைப் பயன்­ப­டுத்தி இந்த முறை­கேட்­டில் ஈடு­பட்­டது காவல்துறை விசா­ர­ணை­யில் தெரி­ய­வந்­தது.

இந்த முறை­கேட்­டில் கேரள முதல்­வ­ரின் முன்­னாள் முதன்மைச் செய­லா­ளர் சிவசங்­க­ருக்கு தொடர்பு இருப்­ப­தா­கக் கூறப்­பட்­டதை அடுத்து அவ­ரும் கைதானார். பின்­னர் ஜாமீனில் வெளி­வந்த அவர், ஸ்வப்னா தமக்குத் துரோ­கம் செய்துவிட்டதாக தெரிவித்தார்.

ஆனால் சிவ­சங்­கர்­ தான் தம்மை தேசிய புல­னாய்வு முக­மை­யி­டம் சிக்க வைத்து துரோ­கம் செய்துவிட்டதாக ஸ்வப்னா சுரேஷ் தெரி­வித்­துள்­ளார்.

சிவ­சங்­க­ருக்கு பரி­சா­க­வும் பண­மா­க­வும் ஏரா­ள­மான உத­வி­கள் செய்­துள்­ளேன். ஒரு கட்­டத்­தில் பணியில் இருந்து ஓய்வு எடுத்து துபா­யில் இரு­வ­ரும் தனி­யாக வாழ்க்கை நடத்­த­லாம் என சிவ­சங்­கர் என்னி­டம் கூறி­னார். தூத­ர­கம் மூலம் பல முறை­கே­டான செயல் நடப்­பது சிவ­சங்­க­ருக்குத் தெரி­யும் என்று ஸ்வப்னா தெரிவித்துள்ளார்.

இந்­நி­லை­யில் ஸ்வப்னா சுரேஷ் வெளி­யிட்­டுள்ள தகவல்களால் கேரள அசியல் வட்டாரத்தில் பரபரரப்பை ஏற்படுத்தி உள்­ள­தாக காங்கிரஸ் கட்சியைச் சேர்ந்த அம்­மா­நில எதிர்க்­கட்­சித் தலை­வர் சதீ­சன், முதல்வர் பினராயி விஜயனை சாடியுள்­ளார்.

மேலும் முதல்­வ­ர் பினராயி விஜயனின் தலைமை அலு­வ­ல­கத்­தில் சமூக விரோத செயல்­கள், பொருளா­தார குற்­றங்­கள், தேசத் துரோக குற்­றங்­கள் நடந்து இருப்பது தெரியவந்துள்ள­தாக சதீசன் தெரிவித்துள்ளார்.

0 Shares
Share via
Copy link