UAE Tamil Web

துபாயில் உதயமாகும் கேரள இளைஞரின் ‘தி சாய்வாலா’ தள்ளுவண்டி கடை

இங்கிலாந்தில் ஏழு ஆண்டுகள் பணியாற்றிய கேரள இளைஞர் ஃபைசல் யூசுப் கடந்த 2018 ஆம் ஆண்டு ஆலப்புழாவில் தள்ளு வண்டியில் ‘தி சாய் வாலா’ என்ற தேநீர் கடையை தொடங்கினார். தற்போது வெளிநாடுகளிலும் தேநீர் கடை கிளைகளை திறக்கவுள்ளார்.

மும்பையில் சில ஆண்டுகள் ஃபைசல் யூசுப் பணி புரிந்துள்ளார். பின்னர் துபாயில் பணியாற்றிய அவர், அங்கிருந்து இங்கிலாந்து சென்று அங்கு ஒரு காஃபி நிறுவனத்தில் ஏழு ஆண்டுகள் வேலை பார்த்தார்.

இங்கிலாந்திலிருந்து இந்தியா திரும்பிய ஃபைசல், வித்தியாசமாக முயற்சியை மேற்கொள்ள வேண்டும் என்று நினைத்தபோது தள்ளுவண்டி தேநீர் கடை நடத்த முடிவு செய்தார்.

ஓரே ஒரு தள்­ளு ­வண்­டி­யில் 50 வகை­யான தேயி­லை­ வகை­ளைக் கொண்டு தேநீர் தயா­ரித்து விற்க ஆரம்பித்தார். தேநீர் வகைகளின் அரு­மை­யான சுவையால் வியாபாரம் பெருகியது. இதை­யடுத்து கேரளா, தமிழ்­நாடு, கர்­நா­டகா என மூன்று மாநி­லங்­களில் ஐம்­பதுக்­கும் மேற்­பட்ட கிளை­களைத் தொடங்கினார்.

இப்­போது துபா­யி­லும் இவ­ரது தள்­ளு­வண்டி தேநீர்க் கடை­யின் கிளை திறக்கப்பட உள்­ளது. அடுத்த ஐந்து ஆண்­டு­களில் இந்­தியா முழு­வ­தும் ஆயி­ரம் கிளை­களைத் தொடங்­கு­வ­து­டன், ஓமன், கத்தார், பஹ்­ரைன் உள்­ளிட்ட நாடுகளிலும் ‘தி சாய் வாலா’ கிளைகளை பார்க்க முடி­யும் என்­கி­றார் ஃபைசல்.

8 Shares
Share via
Copy link