அரபு மாதமான புனித ரமலான் வருகிற ஏப்ரல் முதல் வாரத்தில் துவங்க இருக்கும் நிலையில் அமீரகத்தில் உள்ள அரசு நிறுவனங்களுக்கு ரமலான் மாதத்திற்காக வேலை நேரங்களை அரசு அறிவித்தது.
ரமலான் மாதத்தில் திங்கள் முதல் வியாழன் வரை அமீரகத்தின் அரசு நிறுவனங்கள் காலை 9 மணி முதல் மதியம் 2:30 மணி வரை வேலை நேரங்களாகும். அதுவே வெள்ளிக்கிழமையின் போது காலை 9 மணி முதல் மதியம் 12 மணி வரை என்று தெரிவிக்கப்பட்டது.
ரமலான் மாதத்தில் மசூதிகள் முழுவதும் தராவீஹ் எனப்படும் இரவு நேரத் தொழுகைகளையும், இறுதி 10 நாட்களில் கியாம்-உல்-லைல் நள்ளிரவுத் தொழுகைகள் நடைபெறும்.
இப்போது ரமலான் மாதத்தில் நோன்பு சமயங்கள் குறித்து தெரிந்துகொள்வோம்:-
அமீரகத்தில் ரமலான் 2022 எப்போது?
வானியல் கணக்கீடுகளின்படி, ஏப்ரல் 2 தேதி ரமலானின் முதல் நாளாக இருக்கும். இஸ்லாமிய முறைப்படி பிறை (சந்திரனை) பார்ப்பதன் மூலம் சரியான தேதி தீர்மானிக்கப்படும்.
இஸ்லாமிய மாதங்களில் பிறையைப் பொறுத்து 29 அல்லது 30 நாட்களாக அமையும். இந்த ஆண்டு, ரமலான் மே 1 தேதி முடிவடந்து 30 நாட்கள் நீடிக்கும் என்று எதிர்பார்க்கப்படுகிறது.
அமீரகத்தில் வேலை நேரங்கள் எப்படி இருக்கும்?
அமீரகத்தில் இந்த ஆண்டின் தொடக்கத்தில் புதிய வார இறுதி நாளாக (வெள்ளி அரை நாள், சனி மற்றும் ஞாயிறு) ஆகிய கிழமையாக மாற்றப்பட்டது. அதாவது, புனித மாதத்தில் வெள்ளிக்கிழமைகள் வேலை நாளாக இருக்கும்.
ரமலான் மாதத்தில் திங்கள் முதல் வியாழன் வரை அமீரகத்தின் அரசு நிறுவனங்கள் காலை 9 மணி முதல் மதியம் 2:30 மணி வரை வேலை நேரங்களாகும். அதுவே வெள்ளிக்கிழமையின் போது காலை 9 மணி முதல் மதியம் 12 மணி வரை என்று தெரிவிக்கப்பட்டது.
தனியார் துறை அலுவலகங்களுக்கான நேரங்கள் இன்னும் அறிவிக்கப்படவில்லை.
வெள்ளிக்கிழமை வேலை நாட்கள்:
மேலும் வெள்ளிக்கிழமைகளில் காலை 9 மணி முதல் மதியம் 12 மணி வரை நிறுவனங்கள் அதிகபட்சமாக 40 சதவீத ஊழியர்களுக்கு ரிமோட் ஒர்க் வாய்ப்பை வழங்கலாம் என்றும் தெரிவிக்கப்பட்டுள்ளது.
இந்த ஆண்டு நோன்பு காலம் எப்படி இருக்கும்?
இஸ்லாமியர்களாஅல் புனித மாதத்தில் காலகட்டத்தில் அன்றைய முதல் தொழுகையான ஃபஜ்ர் முதல் மக்ரிப் மாலை தொழுகை வரை (உண்ணாமல்) நோன்பு நோற்றிருக்கப்படும்.
ரமலான் மாத தொடக்கத்தில் நோன்பின் நேரம் 13 மணி 40 நிமிடங்களாக இருக்கும். மாத இறுதி நேரத்தில், மணிநேரம் 14 மணி 20 நிமிடங்களாக அதிகரித்திருக்கும்.
ஈத் அல் பித்ர் (நோன்பு பெருநாள்) எப்போது?
அமீரகத்தில் வசிப்பவர்களுக்கு பிறையைப் பொறுத்து 5 நாட்கள் வரை விடுமுறை வழங்கப்படும்.
ஈத் அல் பித்ர் ஷவ்வாலின் முதல் நாளில் குறிக்கப்படுகிறது. ஹிஜ்ரி நாட்காட்டியில் ரமலான் மாதத்திற்குப் பிறகு வரும் மாதம். வானியல் கணக்கீடுகளின்படி, இந்த ஆண்டு ஈத் அல் பித்ர் மே 2 அன்று வரும் என எதிர்பார்க்கப்படுகிறது.
அமீரகத்தின் விடுமுறைகள் பட்டியலின்படி, குடியிருப்பாளர்களுக்கு ரமலான் 29 முதல் ஷவ்வால் 3 வரை ஈத் அல் பித்ர் விடுமுறை இருக்கும். ரமலான் 29 நாட்கள் நீடித்தால், குடியிருப்பாளர்களுக்கு 4 நாட்கள் விடுமுறைக் கிடைக்கும். புனித மாதம் 30 நீடித்தால், 5 நாள் விடுமுறைக் கிடைக்கும்.